وسام قطب يتصدر تريند جديد على وسائل التواصل الاجتماعي الأردني بعد فيديو قصير تناقلته صفحات التواصل تحدث فيه قطب عن اختياره سفيراً لكأس العالم الذي سيقام في قطر في الفترة القريبة القادمة , فقد قال قطب في تسجيل الفيديو" من لاجئ ما اله مكان في العالم إلى سفير كأس العالم " تعبيراً عن فرحه وفخره بما وصل إليه فوسام شاب فلسيطيني الأصل ويحمل وثيقة مصرية ولد في السعودية وجاء للأردن قبل خمس سنوات للدراسة .
رواد مواقع التواصل الإجتماعي من فيسبوك وتوتير تفاعلوا مع الموضوع بشكل كبير ..
فمصطفى القريوتي علق" الزلمة غزاوي ولايملك رقم وطني أردني مش فاهم بشو غلط لما حكا لاجئ لأنه فعلً لاجئ وإقامته بالأردن بس لوقت مايخلص جامعة ويرجعوه ".
وجابر تميمي" يا لطيب البلد من مبارح الشوارع فيها فاضت وطنيه...
شتا وطنيه عنيف...وأنباء عن سيول انتماء و ولاء غرقت البلد ".
وإيهاب الشلول"يعني صار سفير بكاس العالم ... وكاس العالم شهر طيب وبعد الشهر
برجع لاجئ بس هالمره جد ما رح يلاقي حد
دايما لازم يحفظ خط الرجعة"
وخالد"شاب مكافح ....
حلمك وصل....
منها للأعلى.... ♥️♥️♥️♥️♥️"
وعبدالرزاق البرغوثي" وثيقة اللجوء مزعجيتهم طالما انتو منزعجين أعطوه حقوق وفرصة عمل أو يقدر يشتري بيت لا ادفعوه حق الإقامة أعفوه من مصاريف ورسوم الجامعة بس الي بعلق ومساوي فيها وطني وسام مثله مثل كل لاجئ فلسطيني في الدول عاش بمجهوده ما سرق ولا كان فاسد درس وتعلم وبدفع الي بنطلب منه وسام انسان شريف هو وكل لاجئ "
وأحمد" ليش هالعنصرية التافهة .. انت بتعرفه لوسام ؟ بتعرف إنه فلسطيني غزاوي
بتعرف انه انولد بالسعودية وعاش فيها للثانوية العامة بتعرف انه نزل عالاردن بـ 2015 ودرس فيها واشتغل عحاله لصار من مشاهير السوشال ميديا بتعرف انه ما عمره غلط بالاردن
بتعرف انه هو نايم ومبسوط ولا داري عنك شو بتحكي عنه! "
ونختمها ببشرى النشاش" وسام قطب اليوم الشب تم تعيينه (سفير لكأس العالم) وقال عن حاله لاجئ (كونه فلسطيني بالأردن ويحمل الجنسية الأردنية) انهالت عليه الشتائم أنه ناكر للجميل وخاين وباع الأردن ومن هالكلام وصار كل واحد ياكل هوا ومحسسك أنه كان معيّش وسام قطب ع حسابه .. يعني ليش لما الفلسطيني بحكي عن حاله فلسطيني بكون عنصري وخاين وناكر للجميل!! شو هالمسخرة ... وسام قطب كل الدعم
.jpg "مركز أبوظبي للخلايا الجذعية يطلق علاجاً مبتكراً للسرطان ويفتح آفاق أمل جديدة للمرضى في المنطقة")
0 Comments